27.06.2023

IMOM TERMIZIY VA SHAYXAYN – IMOM BUXORIY VA IMOM MUSLIMNING HADIS SANADINI KELTIRISHDAGI FARQLARI

Hadislarning sanadi islom ummati daqiqa e‘tibor qaratgan ishlardan biridir. Islom ulamolari har bir hadisning sanadi va uning roviysini sinchiklab o‘rganib chiqqanlar. Shu zaylda tadqiq etganlarki, inson hayoliga kelishi mumkin bo‘lmagan qirralarga ham e‘tibor berganlar. Bir hadis isnodini bilish uchun qancha qancha roviylar ko‘plab umrini safarda o‘tkazdi. Buning bariga birgina sabab – Islom dinini kelgusi avlodga sof yetkazish va Rosuli akram sollallohu alayhi vasallamning so‘zlariga yolg‘onni o‘zi tugul uni soyasini ham yaqin yo‘latmaslik edi. Isnod dindan ekanligi borasida Imom Muslim va Imom Termiziy Abdulloh ibn Muborakdan quyidagi rivoyatni keltirganlar: Isnod dindandir. Agar isnod bo‘lmaganda har kim xohlagan so‘zini aytaverar edi [2, J.1 s. 12]. Shu tariqa isnod Islom ummatining shioriga aylangan. Hamda o‘ziga xos bir xususiyat bo‘lib qolgan. Boshqa dinlarda isnod va unga e‘tibor berish, o‘z nabiylariga muttasil bog‘lanish asl holda saqlanmagan. Hofiz Abu Ali Hayoniy isnod islom ummatiga xos xususiyat ekanligi haqida quyidagi xabarni aytadi: “Alloh taolo Islom ummatini undan oldin bir kimga bermagan uch narsa bilan xosladi – isnod, nasab, e‘rob” [8, J. 2, b. 605].

Muhaddis imomlar hadislarni o‘z kitoblariga kiritishda isnodlarga e‘tibor qaratib hamda taftish qilib, so‘ngra hadisni isnodi bilan rivoyat qilganlar. Bu ish ularga asl maqsadga aylanib, isnodning qandayligiga qarab ularning kitoblarini holati ham ma‘lum bo‘lgan. Zero isnodga qarab hadisga sahihlik yo zaiflik hukmi berilgan.

Ma‘lumki Imom Termiziy imom Buxoriy va imom Muslimni ustoz deb bilgan. Imom Buxoriy Nishopur da besh yil muqim turgan vaqtda uch yuzdan ortiq hadis va sanadga oid ilmlarni o‘zlashtirgan. Imom Buxoriydan ulkan manfaat olgan. Buni imom Buxoriyni o‘zi ham e‘tirof etgan [7, J. 9, b. 389]. Imom Muslimdan esa ramazon oyiga oid bir hadisni (333- hadis) bevosita rivoyat qilgan [3, J. 4, b. 687]. Shu bilan birga imom Termiziy bu buyuk ikki imom rivoyat qilgan shayxlardan bevosita hadis rivoyat qilgan [3, J. 1, b. 8]. Quyida bu uch imomning hadis isnodini keltirishdagi o‘zaro farqlarini keltiriladi.

Imom Muslim o‘zlarining Sahihi Muslim deb mashhur bo‘lgan Sahih musnadlarida hadislarning isnodini keltirishga alohida ahamiyat qaratadi. O‘zining shayxlaridan bir qanchasini va hadis u kishiga yetib keladigan hadis yo‘llarini keltirib, bir ma‘nodagi hadislardan turlisini aytib o‘tadi. Hamda ma‘noda bir bo‘lgan hadisning isnodini bir-biriga bog‘lab bayon qiladi. Bir hadisdagi roviylarni boshqa-boshqa bo‘lishi va ularni birlashadigan sanadini ham zikr qilib o‘tadi. Eng muhimi shundaki, bir hukmga aloqador hadislarni bir o‘rinda jamlab, yetarlicha izohlab beradi.

Imom Muslimdan so‘ng Imom Termiziy o‘zining “Jome’” asarida hadislarni jamlashda xuddi shu yo‘nalishni tutgan. O‘zi bevosita hadis tinglagan shayxlarni, u kishiga yetib keladigan hadis yo‘llarini, bir masalaga oid barcha hadislarni bir o‘rinda jamlab keltiradi. Shu bilan bir qatorda imom Termiziyni o‘ziga xos bo‘lgan, oldin misli ko‘rilmagan uslublari ham ko‘zga ko‘rinadi.

Imom Buxoriy “Al-jome‘ as-sahih” asaridagi xos yo‘li - hadislardan olinadigan fiqhiy hukmlarni bayon qilish hamda ularni bobma-bob qilib tartiblash bo‘lgan. Ma‘lum bir fiqhiy hukmga mos tarjimat-ul bob qo‘yib, shunga muvofiq hadislani keltirgan. Ularni sahobayi kirom va tobeinlarning so‘zi bilan quvvatlagan. Ayrim o‘rinlarda o‘zaro afzal va a’lo bo‘lgan hukmlarni aytib o‘tgan. Natijada hadis va fiqhda eng ishonchli hamda keng qamrovli asar bo‘lgan.

Imom Buxoriy, imom Muslim va imom Termiziyni hadislarni jamlashdagi uslublaridan kelib chiqib aytish mumkinki, imom Termiziy bu ikki zotdan ulkan manfaat olgan. Hadislarni isnod ila keltirish va hadis roviylarni qay o‘rinda boshqa-boshqa va qaysi o‘rinda birlashishga doir uslubni imom Muslimdan hamda hadislarning fiqhiy hukmlarini ochib berish va ularni fiqhga doir qilib tartiblashni ham Imom Muslimdan o‘zlashtiradi [4, b. 12].

Imom Termiziy roviylarni martabasi teng hamda ularning rivoyatini lafzi va ma‘nosi bir bo‘lsa ularni bir tizimda jamlaydi. Bu jamlash ikki xil ko‘rinishga ega:

Shayxlar orasini bog‘lovchi harflar vositasida bog‘lash

Imom Termiziy hadisni isnod jihatdan bir roviyga borib yetadigan bir qancha shayxlardan rivoyat qilgan bo‘lsa, shayxlarni o‘zaro bog‘lovchi yordamida uzviy bog‘laydi. So‘ngra hadisni isnodini va uning matnini keltiradi. Bunga misol:

٧٠٦ - حدثنا هناد، ويوسف بن عيسى، قالا: حدثنا وكيع، عن أبي هلال، عن سوادة بن حنظلة، عن سمرة بن جندب قال: قال رسول الله صلى الله عليه وسلم: «لا يمنعنكم من سحوركم أذان بلال، ولا الفجر المستطيل، ولكن الفجر المستطير في الأفق»: «هذا حديث حسن»[3, J. 1, b. 15] (706, 339 hadis)

Bu hadisda imom Termiziyning shayxlari Hannod va Yusuf ibn Iyso bo‘lib, bu ikki shayxni orasini bog‘lovchi harf “و” bilan bog‘laydi.

Bir isnoddan boshqasiga belgilar yordamida o‘tish.

Imom Termiziy bir hadis isnodini roviylardan madoris sanad ( Hadis sanadidagi ko‘plab roviylar unda jamlanadigan asos roviy) bo‘lgan roviyga yetkazib, so‘ngra, o‘sha hadisni boshqa isnodini ayni o‘sha roviyga yetkazib keltiradi. Sanadlarni bir qanchasini bir-biriga bog‘lab keltirgach hadis matnini olib keladi. Bunga misol qilib quyidagi hadisni keltiramiz.

٣ - حدثنا قتيبة، وهناد، ومحمود بن غيلان، قالوا: حدثنا وكيع، عن سفيان، ح

وحدثنا محمد بن بشار قال: حدثنا عبد الرحمن بن مهدي قال: حدثنا سفيان،

عن عبد الله بن محمد بن عقيل، عن محمد ابن الحنفية، عن علي، عن النبي صلى الله عليه وسلم، قال: «مفتاح الصلاة الطهور، وتحريمها التكبير، وتحليلها التسليم»

[3, J. 1, b. 8]

Bu ikki isnoddagi roviylarning barchasi Sufyonga borib to‘xtaydi va birlashadi. So‘ngra Sufyondan yuqoridagi roviyni keltiradi.

Bir isnoddan boshqasiga ko‘chish muhaddislar istilohida “Tahvil” deb ataladi. Bu amal har bir isnodning hadisdagi matni bir xil bo‘lsa joiz bo‘ladi.

Ammo roviylar o‘rtasida hadis lafzdagi ma‘noni o‘zgartirmaydigan ayrim farqlar bo‘lsa, hadis ulamolari rivoyatun bilma‘no [9. b. 133] bilan joiz deydilar. Ammo imom Termiziy bunga omonatdorlik ko‘zi bilin qarab, o‘zaro farqlarini bayon qiladi. Roviylarni hadis lafzidagi nozik farqlariga turli ishoralar berib ketadi. Ular:

٦٢١ - حدثنا زياد بن أيوب البغدادي، وإبراهيم بن عبد الله الهروي، ومحمد بن كامل المروزي - المعنى واحد - قالوا: حدثنا عباد بن العوام، عن سفيان بن حسين، عن الزهري، عن سالم، عن أبيه، أن رسول الله صلى الله عليه وسلم كتب كتاب الصدقة[3, J. 1, b. 4, ] (621,334 hadislar)

Bu isnoddagi roviylarning hadis lafzidagi nozik farqlari borligini imom Termiziy المعنى واحد – “umumiy lafz bir ma‘nodadir”, - deya ishora qilganlar. Bu ishora shu ma‘nodaki, bu hadis matnini roviylardan biri zikr qilgan, lekin ayni kimga tegishli ekani ma‘lum emas.

Yana bir boshqa ishorasi:

٧٢٤ - حدثنا نصر بن علي الجهضمي، وأبو عمار والمعنى واحد واللفظ لفظ أبي عمار قالا: أخبرنا سفيان بن عيينة، عن الزهري، عن حميد بن عبد الرحمن، عن أبي هريرة قال: أتاه رجل، فقال: يا رسول الله هلكت. قال: «وما أهلكك؟»، قال: وقعت على امرأتي في رمضان [3, j. 1, b. 28] (724,345 hadislar)

والمعنى واحد واللفظ لفظ أبي عمار

Bu hadisdagi roviylar matnining ayrim farqlariga “umumiy lafz bir ma‘noda. Matn Abu Ammorga tegishli”, - deya ishora qilganlar. Bu so‘z – “bu hadis matnini roviylarning barchasi zikr qilgan, lekin men shulardan Abu Ammorning matnini tanlab oldim”, - degan ma‘noda. Bularning hammasi imom Termiziyni omonatdorligi va hadis ilmida mohirligi belgisidir. Shu bilan birga muhaddis roviylarini hadis lafzidagi ayrim farqlarini bilmasligi ahli hadislar tomonidan ayb deya e‘tiborga olinadi [6, b. 90].

Imom Muslim o‘zi hadis tinglagan shayxlardan bir qanchasini sanab, ularni bir isnodda jamlagan. Imom Muslim bir ma‘nodagi hadis isnodini jamlashda imom Termiziydan ancha farq qilib, ko‘plab isnodni bir hadisda jamlab keltiradi. Xuddi shuningdek, imom Muslim ham roviylarning hadis lafzlaridagi ayrim farqlarga ishoralar berib ketgan. Umumiy ma‘no bir lekin lafz turli ekanligiga quyidagicha ishora qilgan:

٢٤ - (١٧) حدثنا أبو بكر بن أبي شيبة، ومحمد بن المثنى، ومحمد بن بشار، وألفاظهم متقاربة، قال أبو بكر: حدثنا غندر، عن شعبة، وقال الآخران: حدثنا محمد بن جعفر، حدثنا شعبة، عن أبي جمرة، قال: كنت أترجم بين يدي ابن عباس، وبين الناس، فأتته امرأة، تسأله عن نبيذ الجر

[2, J. 1, b. 47]

Imom Muslim وألفاظهم متقاربة، degan ibora bilan roviylarning hadis matnidagi lafzlari bir-biriga o‘xshash, lekin isnod esa shayxlardan yuqoridagi roviylarda turlicha bo‘lgan. Buni imom Termiziy قال أبو بكر: حدثنا غندر، عن شعبة، وقال الآخران: حدثنا محمد بن جعفر degan ibora bilan ochib beradi.

Hadis lafzi ayni bir roviyga tegishli ekanini quyidagi iboralar bilan izohlagan.

٢٢٣ - (١٣٩) حدثنا قتيبة بن سعيد، وأبو بكر بن أبي شيبة، وهناد بن السري، وأبو عاصم الحنفي

واللفظ لقتيبة، قالوا: حدثنا أبو الأحوص، عن سماك، عن علقمة بن وائل عن أبيه

، قال: جاء رجل من حضرموت ورجل من كندة إلى النبي صلى الله عليه وسلم

[2, J. 1, b. 61] (223,123 hadislar)

Imom Muslim hadis rivoyat qilgan roviylarni lafzi turli lekin ma‘nosi bir xilligi shu bilan birga mazkur hadis lafzi Qutayba ibn Saidga tegishli ekanini ifoda qilib beradi.

Imom Buxoriy Al-Jome‘ as-Sahih asari

Imom Buxoriy bobdagi hadis roviylar isnodini jamlab keltirishga va hadis yo‘llarini bayon qilishga kirishmagan. Ba‘zan roviylarning hadis matnidagi xilma-xilligini bayon qilganini ko‘riladi. Misol:

٦٨٢ - حدثنا يحيى بن سليمان، قال: حدثنا ابن وهب، قال: حدثني يونس، عن ابن شهاب، عن حمزة بن عبد الله، أنه أخبره، عن أبيه، قال: لما اشتد برسول الله صلى الله عليه وسلم وجعه ........... تابعه الزبيدي، وابن أخي الزهري، وإسحاق بن يحيى الكلبي، عن الزهري، وقال عقيل، ومعمر، عن الزهري، عن حمزة، عن النبي صلى الله عليه وسلم

[1, J. 1, b. 682] (682, 137 hadislar)

Bu hadisda Imom Buxoriy roviylarni Ibn Shihob Zuhriyga bog‘lab, hadis matnidan so‘ng, Zuhriyga bir necha roviylarni bog‘lab keltiradi. Lekin imom Buxoriy qarashida eng sahihi bo‘lgan sanadni matnga bog‘laydi. Qolgan sanadlarni unga qo‘llab-quvvatlovchi qilib keltiradi. Bundan ma‘lum bo‘ladiki, imom Buxoriy hadis jamlashdagi usuli imom Muslim va imom Termiziydan o‘zgacha bo‘lgan. U zot hadislarni tartiblashda fiqhga monand jamlab tartiblagan. Zero u zotning hadis jamlashdagi asl maqsadi hadisning fiqhiy hukmi va undan xulosa chiqarish bo‘lgan. Shunga ko‘ra hadis sanadi va yo‘llariga jiddiy ahamiyat qaratmagan [4. b. 188].

Imom Termiziy hadis sanadi va matnini keltirib, uni ortidanoq boshqa sanadlarni bayon qiladi. U sanadlarni matniga مثله va نحوه so‘zlar bilan ishora qiladi. Bunga misol:

٢٧٥٥ - حدثنا محمود بن غيلان قال: حدثنا قبيصة قال: حدثناسفيان، عن حبيب بن الشهيد، عن أبي مجلز، قال: خرج معاوية، فقام عبد الله بن الزبير وابن صفوان حين رأوه. فقال: اجلسا، سمعت رسول الله صلى الله [ص: ٩١] عليه وسلم يقول: «من سره أن يتمثل له الرجال قياما فليتبوأ مقعده من النار» وفي الباب عن أبي أمامة: «هذا حديث حسن» حدثنا هناد قال: حدثنا أبو أسامة، عن حبيب بن الشهيد، عن أبي مجلز، عن معاوية، عن النبي صلى الله عليه وسلم مثله

[3, J. 1, b. 13] (2755, 284 hadislar)

Bu hadis ikki sanadni jamlaydi. Avvalgi sanadda matnni ham zikr qilib, keyingi sandda matnga مثله deya ishora qiladilar.

١٠٨٠ - حدثنا سفيان بن وكيع قال: حدثنا حفص بن غياث، عن الحجاج، عن مكحول، عن أبي الشمال، عن أبي أيوب قال: قال رسول الله صلى الله عليه وسلم: " أربع من سنن المرسلين: الحياء، والتعطر، والسواك، والنكاح ". وفي الباب عن عثمان، وثوبان، وابن مسعود، وعائشة، وعبد الله بن عمرو، وأبي نجيح، وجابر، وعكاف.: «حديث أبي أيوب حديث حسن غريب». حدثنا محمود بن خداش البغدادي قال: حدثنا عباد بن العوام، عن الحجاج، عن مكحول، عن أبي الشمال، عن أبي أيوب، عن النبي صلى الله عليه وسلم نحو حديث حفص

[3, J. 1, b. 475] (1080 hadis) .

Bu hadisda ham imom Termiziy hadis sanadini va matnini keltirib, keyingi sanadda matnga نحوه deya ishora qiladi.

Shunga o‘xshash rang-baranglikni imom Muslimning “Jome‘”larida ham ko‘ramiz. U zot ham bir necha sanadlarni jamlab matnni zikr qilgandan so‘ng, qolgan sanadni keltirib matnga نحوه va مثله deya ishora qilib bayon qiladi.

Imom Buxoriyning “Al-Jome‘ as-sahih” asaridagi muallaq hadislar

Imom Buxoriyning “Al-Jome‘ as-sahih” asarlarida muallaq hadislar ikkiga bo‘linadi:

Ma‘lum bir maqsadni ko‘zlab va sanad hamda matnni takroridan qochib sanad tark qilinadi. Boshqa bir o‘rinda esa xuddi shu sanadni keltiriladi.
Hadis sanadi tushirilib bayon qilinadi. Boshqa o‘rinda muttasil qilib ham keltirilmaydi. Bundan asosiy ko‘zlangan maqsad asar hujjat bo‘ladigan hadislardan ko‘proq qismini qamrab olishidir. Lekin bu hadislarni ichida sahih va zaiflari ham bor.

Imom Buxoriy muallaq hadislarni ikki xil ibora bilan bayon qilgan:

Birinchi ibora hadis bog‘langan kishiga nisbatan muhaddis tarafidan aniqlik siyg‘asi bilan qo‘llash. Quyidagilarga o‘xshash:

قال رسول الله صلى عليه وسلم كذا، او فعل كذا ، أو قال إبن عباس كذا، روى أبو هريرة كذا ،

Bu siyg‘alar muhaddisdan hadis roviysi ishonchli va hadis sahih ekanligiga ishoradir. Ammo bu sahihlik hukmi sahobalardan keyingi tabaqa roviylariga nisbatan berilmaydi. Balki hadis roviylari va ularning ishonchli ekanligiga qaraladi.

Ikkinchi ibora muhaddis tomonidan aniq va qat‘iylik siyg‘asini ifoda qilmaydi. Balki ibora sahih va zaifda ham qo‘llanadi. Sahih hadisga misol bo‘lib kelgani:

ويذكر عن عبد الله بن السائب، «قرأ النبي صلى الله عليه وسلم المؤمنون في الصبح، حتى إذا جاء ذكر موسى، وهارون - أو ذكر عيسى - أخذته سعلة فركع» وهو صحيح أخرجه مسلم

Hadis zaif bo‘lib kelganiga misol:

«أن النبي صلى الله عليه وسلم قضى بالدين قبل الوصية» ويذكر

Imom Termiziy bu hadisni Horis A‘vardan, u esa Ali roziylallohu anhudan muttasil bog‘lab keltiradi [9. b. 30]. Bu kabi muallaq hadislar imom Buxoriyda ko‘pdir. Ularning adadi bir ming uch yuzi qirq bir hadisga yetadi. Bundagi asl maqsad qaysidir hukmga muqaddima yoki avvalda mazkur hukmni qo‘llab quvvatlash.

Imom Muslim “Sahih musnad” asaridagi muallaq hadislar

Imom Muslimni Sahihida muallaq hadislar juda kam uchraydi. Bunga tayammum bobida kelgan hadis misol.

١١٤ - (٣٦٩) قال مسلم، وروى الليث بن سعد، عن جعفر بن ربيعة، عن عبد الرحمن بن هرمز، عن عمير، مولى ابن عباس، أنه سمعه يقول: أقبلت أنا وعبد الرحمن بن يسار، مولى ميمونة زوج النبي صلى الله عليه وسلم. حتى دخلنا على أبي الجهم بن الحارث بن الصمة الأنصاري، فقال أبو الجهم: «أقبل رسول الله صلى الله عليه وسلم من نحو بئر جمل، فلقيه رجل فسلم عليه، فلم يرد رسول الله صلى الله عليه وسلم عليه، حتى أقبل على الجدار فمسح وجهه ويديه، ثم رد عليه السلام»

[2, J. 1, b. 28] (281 hadis)

“Sahih musnad” asarida muallaq hadislarni kamligi yuqorida ta‘kidlab o‘tganimizdek Imom Muslim hadislarni sanad bilan quvvatlashni qasd qilgan. Shu jihatdan har bir hadisni sanadiga urg‘u bergan.

Imom Termiziyning “Sunani Termiziy” asaridagi

muallaq hadislar [9. b. 50]

Imom Termiziy hadis matnlarini ta‘liq asosida tartiblashdan imom Muslim kabi juda kam qo‘llanadi. Lekin shunday bo‘lsa-da imom Termiziy muallaq hadisni keltirishda o‘ziga xos bo‘lgan va imom Muslimdan farq qiladigan ikki usuli bor.

Muallaq hadislarni keltirishda Imom Termiziyni o‘ziga xos uslubi

Imom Termiziy mullaq hadislarni ikki xil ko‘rinish bilan ifoda qilib o‘tgan.

Bir hadisni sanadi va matnini bayon qilgach, u hadisga boshqa isnodini muallaq tarzda keltiradi.

١٥٢ - حدثنا أحمد بن منيع، والحسن بن الصباح البزار، وأحمد بن محمد بن موسى، المعنى واحد، قالوا: حدثنا إسحاق بن يوسف الأزرق، عن سفيان، عن علقمة بن مرثد، عن سليمان بن بريدة، عن أبيه، قال: أتى النبي صلى الله عليه وسلم رجل، فسأله عن مواقيت الصلاة؟....

وقد رواه شعبة، عن علقمة بن مرثد أيضا

[3, J. 1, b. 152] (85 hadis)

“Bu hadisni Sho‘ba ham Alqama ibn Marsaddan rivoyat qilgan” , - degan ibora bilan hadis sanadini Sufyonga muallaq holda keltiradi.

Bir hadisni isnodi ila keltirib, bu hadis boshqa isnoddan kelganiga quyida kelganga o‘xshash ibora bilan ishora qiladi.

١٣٦٤ - حدثنا قتيبة قال: حدثنا حماد بن زيد، عن أيوب، عن أبي قلابة، عن أبي المهلب، عن عمران بن حصين، أن رجلا من الأنصار أعتق ستة أعبد له عند موته،....

وقد روي من غير وجه، عن عمران بن حصين .

[3, J. 1, b. 28] (1364, 585 hadislar )

Bu o‘rinda imom Termiziy hadis sanadi boshqa yo‘llardan Imron ibn Husaynga borib yetishiga ishora qiladi hamda sanadni to‘liq keltirmaydi. Bunga o‘xshash ko‘rinish faqat imom Termiziyga xosdir. Imom Muslimda esa sanad tugal qilib bog‘langan.

Abdulaziz Furzulov

Buxoro Mir Arab Oliy madrasa o‘qituvchisi

Foydalanilgan adabiyotlar: