“MASHARIQ UL-ANVOR” ASARI QO‘LYOZMA NUSXALARINING  TAVSIFI

Mustaqillik xalqimiz mulki bo‘lgan turli qo‘lyozma manbalarni topish, Sharq qo‘lyozmalarini o’rganish, tadqiq qilish va nashr ishlarini keskin jonlanishi, ayniqsa, milliy uyg’onish mafkurasi asosida o’tmish ijodkorlarimiz asarlarini ommalashtirish natijasida matnshunoslik sohasining jiddiy rivojlanishiga turtki berdi. Yuzlab qo‘lyozma manbalar hozirgi o‘zbek imlosiga transliteratsiya qilinib chop etildi[1], shundan kelib chiqqan holda “Mashariq ul-anvor” matniy tadqiqi asar matni tarixini o‘rganishdan boshlanadi. Asar hozirgi kungacha zamonaviy arab xatiga tabdil qilinmagan. Asar uzoq yillar Usmoniylar davlatidagi madrasalarda talabalarga o’qitilib yodlatilgan. Shu sababdan asarning aksar nusxalarini hozirgi turk va arab diyorlarining kutubxonalaridan topish mumkin. 

1. 213 invertar raqam ostida saqlanayotgan ushbu nusxa dissertatsiyada tavsif qilinayotgan nusxalarning eng qadimiysi hisoblanadi. Hozirda qo’lyozma King Saud universitetidagi Ar-Riyod kutubxonasida saqlanmoqda. Matn qora siyoh bilan nasx xatida novvotrang sharq qog’ozida bitilgan. Fasl va boblar qizil siyohda ajratib ko’rsatilgan. Kitobning oxirigacha bir xil xat bo‘lganligi sababli bitta xattot yozgan degan xulosaga kelish mumkin. Poygir umuman qo’yilmagan. Asar 3a sahifadan boshlangan. Matn bir ustunli o’n besh qatordan iborat. Qo’lyozma 824 h./1417 m. yilda xattot Minhoj Rasul bin Ya’qub tomonidan nasx xatida ko‘chirilgan.

Asarda basmaladan avval:

قال النبي صلى الله عليه وسلم جاء موسى عليه السلام قال يا رب انّي اخاف من الفقر ومن العذاب القبر ومن سكرات الموت ومن اهوال يوم القيامة وقال الله تعالى يا موسى ان خفت من الفقر فعليك صلوة الفجر وان خفت من عذاب القبر فعليك ركعتين بين المغرب والعشاء وان خفت سكرات الموت فعليك بالحِمام المساكين وان خفت من اهوال يوم القيامة فعليك بقيام الليل صدق رسول الله...

So’ngra basmala va an’anaviy Allohga hamd va Rasululloh sollalohu alayhi vasallamga na’t bilan davom etadi.

138b varaqda quyidagi hadis bilan tugagan:

لَبَّيْكَ اللَّهُمَّ لَبَّيْكَ لَبَّيْكَ، لَا شَرِيكَ لَكَ لَبَّيْكَ، إِنَّ الْحَمْدَ وَالنِّعْمَةَ لَكَ وَالْمُلْكَ لَا شَرِيكَ لَكَ

Kalofonda quyidagi yozuvlar bor:

تمت مشارق الانوار. بعون الله للملك الجبار الحمد لله رب العالمين.

وصلوات على سيدنا محمد واَله الطيبين الطاهرين.

يا رب العالمين قد وقع الفراغ من تحرير هذا الكتاب في بلد بكشهر

في تاريخ اربع(؟) و عشرين و ثمانية مائة على يد الضعيف المذنب المحتاج

الى رحمة ربه الهادى الى المنهاج رسول بني.

جعفر بن (؟) زكريا فبقى (؟) عفى الله لهم

و لوالديهم ولاستاذهم

ولجماعة المسلمين

و المسلمات

و المؤمنين

والمؤمنات

برحمتك يا أرحم

الراحمين

Hoshiyada hadislarga sharhlar yoki hadislarning shu mazmundagi boshqa rivoyati yozilib borilgan. Ayrim varaqlardagi so’zlarning ustiga chiziqlar tortilib to’g’irlangan. Varaqlarda sariq va qora dog’lar bor. Ba’zi varaqlarda suyuqlik to’kilgan, zararlanishlar mavjud.

Muqovasi qalin qora rangdagi karton bilan ishlangan. O‘lchami: 19x27 sm. Qo‘lyozmaning umumiy hajmi 145 varoqni asosiy matn esa 137 varoqni tashkil etadi. Asarda har bir varog’i hoshilarga boy. Ular asosan hadislarni sharhlash uchun keltirilgan.

2. Mashariq ul-anvorning ushbu qo‘lyozma nusxasi to’liq emas. Asar 117b varoqdan boshlangan. Matn nasx xatida, qora siyoh bilan bir xil sariq qog’ozda yozilgan. Boblar va muhaddislarning ismlari qizil siyohda yozilgan. Matn bitta xattotni xatida yozilgan. Asar Shayx Mulla Yusuf tomonidan ko’chirilgan. Matn o’n bir qatordan bir yo‘lda joylashtirilgan. Poygir mavjud. 

Tarkibi. 1. ال، أيما، أيكم، أي، ألا، ألم، أفلا، أليس، أما، مثل، إياكم، أنّا، لم، لمّا، أمّا so’zlari bilan boshlangan hadislar (117b-140a);

2. Son, vav ul-qasam, vallohi qasam kalimasi, “س” muzoreni bildiradigan qo‘shimcha, hozirgi zamonda aniq va majhul daraja fe’llari bilan boshlangan hadislar (140b-158b);

3. O’tgan zamon aniq darajali fe’l, o’tgan zamon majhul darajali fe’l,  o’tgan zamon I shaxsni ifodalaydigan fe’llar, “هل” so’roq yuklamasi, buyruq mayli bilan boshlangan hadislar (158b-197a);

4. "لَ"، "لِ" qo‘shimchalari va turli xil so’zlar bilan boshlangan hadislarn (197a-212b);

5. Qudsiy hadislar (212b-215b);

6. Duolarga oid hadislar (215b-226a).

Yuqoridagi tarkiblar asarning  еttinchi bobidan o‘n ikkinchi boblarini o’z ichiga  olgan. Demak asarning boblar hisobida  yarmi saqlanib qolgan deb xulosa qilish mumkin. Asar 902/1492 yil ramazon oyida ko‘chirilgan. Asar 117b sahifadan boshlangan. To‘liq bo’lmaganligi sababli unda basmala va kirish qismlari saqlanmagan.

Asar quyidagi hadis bilan boshlangan:

لَقَدْ هَمَمْتُ  أَنْ أُرْسِلَ إِلَى أَبِي بَكْرٍ وَابْنِهِ، وَأَعْهَدَ أَنْ يَقُولَ الْقَائِلُونَ أَوْ يَتَمَنَّى الْمُتَمَنُّونَ، ثُمَّ قُلْتُ  يَأْبَى اللَّهُ وَيَدْفَعُ الْمُؤْمِنُونَ، أَوْ يَدْفَعُ اللَّهُ وَيَأْبَى الْمُؤْمِنُونَ (...)

226a varoqda quyidagi hadis bilan tamomlangan:

لَيَّيْكَ عُمْرَةً حَجًّا(..)

Kalofonda quyidagi yozuvlar bor:

الحمد لله تم هذا الكتاب الشريف بعون الله الكريم 

الرحيم اللطيف على يد العبد الضعيف الحقير النحيف

المعترف بذنوبه المكثير الثقيف الراحي رحمة ربّه

الغفور السبحان وشفاعة رسوله الممدوح فى الكتب والفرقان

محمد المبعوث بجميع الخلايق الجن والانس واصلّى

واسلّم عليه  آله معاد الاحسان  ولى بن حمزء بن 

الوان تغمدهم الله  فى رحمته والغفران انه كريم 

الحكيم المنان الموصوف بالءرافة والكرم والرحمان

تاريخ سنة اثنى وتسع مائة فى الشهر المبارك رمضان

Hoshiyada asarning ichida kelgan ba’zi qiyin bo’lgan so‘zlarga izohlar berib borilgan. Ayrim hadislarga doir qisqa voqealar ham hoshiyada aks ettirilgan. Varaqlarni dog‘ bosgan, suyuqlik to‘kilib surkalish bo’lgan. 225b va 226a varoqlarda xattotning qora muhri bor bo’lib, o‘qish imkonsiz.

Qo‘lyozmaning umumiy hajmi 113 varoqni tashkil etadi. Hoshiyada kalimalar va voqealar aks etgan izohlar mavjud.

3. 165 inventar raqamidagi qo’lyozma Turkiyadagi Sulaymoniya universiteti kutubxonasida saqlanmoqda. Matn nasx xatida, qora siyoh bilan yozilgan. Bob va fasllar muhaddislarning ismlari qalinroq qilib qora siyohda ajratib ko’rsatilgan. Matnda hadisning asosiy matni ustidagi bir yoki ikki so’zga qizil chiziq tortilgan. Hoshiya hadislardagi murakkab ma’noli so’zlarga, uning boshqa manodoshi bilan izoh berilgan. Qo‘lyozmada 10b varoqdan boshlab, muhaddislarning ismlarini qizil bilan ajrata boshlangan. Matn o‘n to‘qqiz qatorda bir sahifada joylashtirilgan. Poygir mavjud emas, ammo uning o’rniga strelka belgisini qo’ygan.

Tarkibi: 1.   "مَن" kalimasi bilan boshlangan hadislar (3b-12a);

2. "أنّ"، "إنّ"َ kalimalari bilan boshlangan hadislar (12b-33b);

3. "لا"  kalimasi bilan boshlangan hadislar (33b-42b);

4. "اذا"  kalimasi bilan boshlangan hadislar (43a-50b);

5. "ما"  kalimasi va boshqa so’zlar bilan boshlangan hadislar (50b-62b);

6.  "ليس"kalimasi bilan boshlangan hadislar  (62b-75b);

7. ال، أيما، أيكم، أي، ألا، ألم، أفلا، أليس، أما، مثل، إياكم، أنّا، لم، لمّا، أمّا so’zlari bilan boshlangan hadislar (75b-91b);

8.  Son, vav ul-qasam, vallohi qasam kalimasi, “س” muzore (hozirgi zamon fe’l shakli)ni bildiradigan qo’shimcha, hozirgi zamonda aniq va majhul daraja fe’llari bilan boshlangan hadislar (91b-103b);

9. O’tgan zamon aniq darajali fe’l, o’tgan zamon majhul darajali fe’l,  o’tgan zamon I shaxsni ifodalaydigan fe’llar, “هل” so’roq yuklamasi, buyruq mayli bilan boshlangan hadislar (103b-132a);

10. "لَ"، "لِ" qo’shimchalari va turli xil so’zlar bilan boshlangan hadislarn (132a-144a);

11. Qudsiy hadislar (144a-146a);

12. Duolarga oid hadislar (146a-153a).

Ko’chirilish tarixi 789/1386 yil xattot Umar bin Hoj Ahmad ibn Sayf tomonidan ko’chirilgan. Asar 1b sahifadan boshlangan. Basmaladan so’ng:

الحمد لله محى الرمم ومجر القلم وذارئ الامم بارئ النشم ليعبدوه

ولا يشركوا به فارج للانزاح فالق الاصباح وخالق الارواح

Oxiri 153a sahifada quyidagi hadis bilan tugagan:

لَيَّيْكَ عُمْرَةً وحَجًّا

Kalafonda quyidagi yozuvlar bor:

من محمد

السلام على من اتبع  الهدى اما بعد فاني ادعوك براعة الاسلام

اسلم تسلم واسلم يؤتك الله اجرك مرتين وان توليت وعليك اثم الاريسيين واهل

الدار تعالوا الى كلمة سواء  بيننا وبينكم ألا نعبد إلا الله ولا نسرك به شيئا ولا يتخذ بعضنا بعضا

اربابا من دون الله فان تولوا فقولا اشهدوا بأنا مسلمون  كتاب هذا فارجعوا وانكم آمنون بامان الله

وامان رسوله وكنتم في ذمة الله ذمة ورسوله ولا  ظلم عليهم ولا اعتدال ولا اهراق دم  الجاهلية ولا عليكم

ولا خلفة عشر ولا غبراو لا بيضاء ولا خير ما لكم.

Ushbu kalofonda kelgan matn Rasulullohning Muqavqasga yo’llagan maktubi bo’lib uni sahoba Hotib ibn Abu Balta’a tomonidan yuborgan[2].

Hoshiyada hadislarga bog’liq raqamlar va undagi tarixan bog’liq voqealar aks etgan. Shuningdek, 97 a-b varoqda xattotning muhri bor. 143b sahifada خ ustiga chizilib, [3]ق harfi yozilgan. Qo‘lyozmaning usti qalin qizil rangli kartondan, ortasida sariq rangda tamg’a bosilgan. Asarning umumiy hajmi 154 varoqni tashkil qiladi.

4. TE-8 inventar raqamidagi qo’lyozma. Kniznics slov universiteti kutubxonasida saqlanmoqda. Matn nasx xatida, qora siyoh bilan sharq qog’ozida yozilgan. Bob va fasllar muhaddislarning ismlari qalinroq qilib, qizil siyohda ajratib ko’rsatilgan. Asar boshidan oxirigacha bitta xattot tomonidan yozilganligini ko’rish mumkin. Asarda hoshiya uchunط ٢،٥،٧،٨  harf va raqamlar shartli ravishda belgilab olingan, ya’ni har sahifada hoshilar uchun ushbu belgilarni ko’rish mumkin. Hoshiya hadislardagi murakkab ma’noli so’zlarga, uning boshqa manodoshi bilan izoh berilgan, ba’zan esa hadis bilan bir voqea hikoya qilingan. Matn yigirma bir qatorda bir sahifada joylashtirilgan. Qo‘lyozmada poygirlar muntazam qo‘yilgan.

Tarkibi: 1. "مَن" kalimasi bilan boshlangan hadislar (2b-11a);

2. "أنّ"، "إنّ"َ kalimalari bilan boshlangan hadislar (11a-30b);

3. "لا"  kalimasi bilan boshlangan hadislar (30b-38b);

4. "اذا"  kalimasi bilan boshlangan hadislar (38b-45b);

5. "ما"  kalimasi va boshqa so’zlar bilan boshlangan hadislar (45b-56b);

6.  "ليس"kalimasi bilan boshlangan hadislar  (56b-67b);

7. ال، أيما، أيكم، أي، ألا، ألم، أفلا، أليس، أما، مثل، إياكم، أنّا، لم، لمّا، أمّا so’zlari bilan boshlangan hadislar (67b-80a);

8.  Son, vav ul-qasam, vallohi qasam kalimasi, “س” muzore (hozirgi zamon fe’l shakli)ni bildiradigan qo’shimcha, hozirgi zamonda aniq va majhul daraja fe’llari bilan boshlangan hadislar (80a-91b);

9. O‘tgan zamon aniq darajali fe’l, o’tgan zamon majhul darajali fe’l, o’tgan zamon I shaxsni ifodalaydigan fe’llar, “هل” so’roq yuklamasi, buyruq mayli bilan boshlangan hadislar (91b-113a);

10. "لَ"، "لِ" qo’shimchalari va turli xil so’zlar bilan boshlangan hadislarn (113a-123a);

11. Qudsiy hadislar (123a-124b);

12. Duolarga oid hadislar (124b-130b).

Asar ko‘chirilish tarixi ko’rsatilmagan. Xattot Usmon ibn Sarir. Asar 1a sahifadan boshlangan. Basmaladan so’ng:

الحمد لله محي الرِّمم، ومجْري القلَم، وذارئ الأمم، وبارئ النسم ليعبدوه ولا يشركوا به، فارج الأتراح،  وفالق الأصباح، وخالق الأرواح، وباعث الأشباح في حنادس الحشر عكوبه

Oxiri 130b sahifada quyidagi hadis bilan tugagan:

لَيَّيْكَ عُمْرَةً وحَجًّا

Kalafonda quyidagi yozuvlar bor:

تم هذا الكتاب بعناية الملك

الوهاب على يد العبد الفقير

الراجى عفو ربه القدير

اعنى عثمان بن سرير

Hoshiyada hadislardagi so’zlarning ustiga qo’yilgan raqam va harflar bilan kelgan izohlar bor. Ba’zan izohlar juda uzun, ba’zan esa qisqa berilgan. Shuningdek, 130a sahifada “knijniks slov universiy” yozuvi aks etgan muhri bor. Bu yozuv e’tiboridan muhrni Polsha universitetlaridan biri ekanligi ma’lum bo’ladi. Qo’lyozma kitob atrofi qizil usti qora muqovadagi kartondandir. Asarning umumiy hajmi 144 varoqni tashkil qiladi.

Xulosa o‘rnida shuni takidlash mumkinki, Chag‘oniy “Mashariq ul-anvor” asari qo‘lyozmalari hozirgi kunda Turkiya, Misr, Saudiya arabistoni, Pokiston Hindiston, Polsha va boshqa davlatlarning kutubxonalarida saqlanmoqda. Ammo eng keng tarqalgan hudud Turkiyada chunki asar Usmoniylar davrida madrasalarda o‘qitilgan. Asarni tavsiflaganda shu jihat ma’lum bo‘ldiki, qo‘lyozmalarning bir-biridan ma’no-mazmunida farq katta emas, balki hoshiya, yozuv va muqovalardagi farqlarni ko‘rish mumkin.

Boboxodjayev Sa’dulla O‘zbekiston xalqaro 

islom akademiyasi doktoranti, 

Imom Termiziy xalqaro ilmiy tadqiqot markazi

 xalqaro aloqalar va ziyorat turizmini

 rivojlantirish bo‘limi boshlig‘i

Foydalanilgan adabiyotlar:

1. Sirojiddinov Sh., Umarova S. O‘zbek matnshunosligi qirralari. – Toshkent: Akademnashr, 2015.
2. Roziyuddin Chag‘oniy. Mashariq ul-anvor. 165 inventar raqamli nusxa.
3. Roziyuddin Chag‘oniy. Mashariq ul-anvor. TE-8 inventar raqamidagi qo‘lyozma.
4. Roziyuddin Chag‘oniy. Mashariq ul-anvor. 213 invertar raqamidagi qo‘lyozma.
5. رسائل النبي محمد - ويكيبيديا (wikipedia.org)

[1] Sirojiddinov Sh., Umarova S. O‘zbek matnshunosligi qirralari. – Toshkent: Akademnashr, 2015. – B. 4.

[2] رسائل النبي محمد - ويكيبيديا (wikipedia.org)

[3] 165 inventar raqamli nusxa. Turkiyadagi Sulaymoniyya universiteti kutubxonasida saqlanmoqda.