Oksford islom tadqiqotlari markazi xalqaro granti sohibi Shukurillo Umarov ilmiy safarlarini talabalar bilan o’rtoqlashdi.

Ma’lumki, Angliyaning Oksford islom tadqiqotlari markazi har yili Imom Buxoriy va Imom Termiziy ilmiy merosi bo’yicha ilmiy-tadqiqot olib borayotgan Osiyo va Afrika mamlakatlari fuqarolari uchun maxsus Grant loyihasini e’lon qiladi.

Mazkur xalqaro grant sohibi Imom Termiziy o’rta maxsus islom ta’lim muassasasi direktori, hadisshunoslik ixtisosligi bo’yicha falsafa doktori Shukurillo Umarov joriy yilning 28 mart sanasida ta’lim muassasasi talabalari bilan ilmiy safarlarini o'rtoqlashish maqsadida davra suhbati o’tkazdi.

Ta’lim muassasasi direktori o’z nutqida Buyuk Britaniyaning eng qadimgi universiteti bo’lmish Oksford universiteti hamda uning o’ziga xos xususiyatlari haqida gapirib o’tdi.

Qizig’i shundaki birorta ham talaba bu universitetda o'tkazgan yillaridan afsusda emas. Ularning aksariyati bugungi kunda sharafli va obro'li lavozimlarni egallaydilar, ingliz tilini yaxshi biladilar va deyarli har qanday mavzu bo'yicha suhbatni qo'llab-quvvatlaydilar.

Muassasa dunyoga 40 nafar Nobel mukofoti laurenti, ellik nafar davlat rahbarlari va cheksiz ko'plab taniqli olimlar, faylasuflar, siyosatchilar va yozuvchilarni taqdim etganligi alohida ahamiyatga ega