Markaz xodimlari rag'batlantirildi

Bugun Imom Termiziy xalqaro ilmiy-tadqiqot markazi majlislar zalida 2022-yilning o'tgan davri mobaynida amalga oshirilgan ishlar sarhisobiga bag'ishlangan umumiy yig'ilish bo'lib o'tdi.

Barcha ilmiy va texnik xodimlar hamda markaz mas'ullari ishtirok etgan yig'ilishda, Imom Termiziy xalqaro ilmiy-tadiqoy markazining 2022 yil uchun tasdiqlangan rejasidagi 1-chorakda bajarilgan ishlarning hisoboti, markaz nashrlari, jumladan, rejaga kiritilgan mavzular ostidagi risolalar hamda kitoblar tayyorlash, shuningdek, markazning axborot resurs markazi bazasini toshbosma, qo‘lyozma va davriy nashrlar bilan boyitish kabi muhim masalalar muhokama qilindi.

Shuningdek, yig'ilish davomida Imom Termiziy xalqaro ilmiy-tadqiqot markazi direktori, hadisshunoslik ixtisosligi bo'yicha falsafa doktori (PhD) Sh.Umarov markaz tomonidan 2022-yilning dastlabki choragida qo'lga kiritilgan yutuqlarni e'tirof etar ekan, bugungi kunda mazkur muassasaning respublika va xalqaro doiradagi yutuqlar ushbu dargohdagi ilmiy xodimlarning mashaqqatli va sharafli mehnatlarining samarasi ekanligini ta'kidlab o'tdi.

Ko'taringki ruhda o'tgan yig'ilish davomida ilmiy-tadqiqot, ma'naviy-ma'rifiy, jamoat ishlarida faol ishtirok etib, ilmiy salohiyati bilan markaz taraqqiyotiga munosib hissa qo'shib kelayotganligini inobatga olib, markazning barcha xodimlari markaz ma'muriyati tomonidan moddiy va manaviy rag'batlantirildi hamda esdalik sovg'alari bilan taqdirlanishdi.

Yig'ilish davomida markazning ilmiy tadqiqot, tarjima va xalqaro aloqalar borasidagi muhim ishlari muhokama qilinib, markazning kelgusidagi istiqbolli rejalari belgilab olindi.

Imom Termiziy xalqaro ilmiy-tadqiqot markazi Matbuot xizmati